mércores, 20 de febreiro de 2019

AS ORELLAS DO COELLIÑO

Está claro que no cole non só aprendemos a ler, escribir, mates... Tamén hai tempo para compartir coñecementos e axudarnos a aprender.
Fai uns días algún nenos e nenas de primeiro ensináronlles aos outros compañeiros como se atan os cordóns dos zapatos.
Primeiro decoramos unhas plantillas con forma de zapato e despois puxéronse os cordóns para, a continuación, aprender a atalos coa técnica das orelliñas do coello.
Que ben se aprende e como se disfruta cando compartimos o que sabemos entre todos!







martes, 19 de febreiro de 2019

VISITA Á ZONA VELLA

Unha das saídas que tiñamos pendentes dentro do noso proxecto era visitar a zona vella da cidade, e hoxe foi un día idóneo para facelo.

Durante unha mañá enteira convertémonos en peregrinos exploradores e saímos a percorrer a cidade en busca de todo aquelo que aprendemos na clase.  Despois de recoller a nosa credencial e completala cos nosos datos adecuadamente dispuxémonos a camiñar. 

O noso reto era contestar a unha serie de acertixos para adiviñar a que lugar debíamos ir, e se os resolviamos conseguíamos unha pegatina para a nosa credencial. Ao rematar a mañá, se tiñamos todas as pegatinas podiamos conseguir a Mini Compostela de Peregrinos Exploradores. 

Así que estivemos camiñando toda a mañá pola cidade en busca das nosas pegatinas, traballando en equipo e esforzándonos moito para recoñecer os edificios da nosa cidade. 

Sen dúbida foi un paseo productivo porque é moi importante poder experimentar e vivenciar todo o  que se traballa na aula, xa que é a mellor forma para aprender e consolidar os coñecementos.


















ANIVERSARIO

Onte celebramos o aniversario da nosa compañeira Claudia. Cantamos, compartimos tarta e pasámolo xenial.

Parabéns Claudia!



sábado, 16 de febreiro de 2019

ZAZÚ

Zazú continúa viajando con nosotros, esta semana se ha ido con Antía. Estamos deseando conocer vuestras aventuras el próximo lunes


venres, 15 de febreiro de 2019

CONOCIENDO NUESTRA CIUDAD

Esta tarde hemos estado aprendiendo sobre Santiago. Para ello nos hemos trasladado gracias a los códigos QR a diferentes puntos de la cuidad y hemos podido pasear de manera virtual por sus calles.
Sin duda ha sido una tarde muy entretenida.











mércores, 13 de febreiro de 2019

COMO CAMBIAN OS BARRIOS!

Dentro do noso proxecto, hoxe estivemos coñecendo e comparando a cidade de Santiago na Idade Media e na actualidade. Para iso empregamos dous mapas desas épocas e aprendemos a localizar os diferentes barrios (Calderería, Praterías, o mercado...). Tamén descubrimos que os barrios formáronse xuntándose os diferentes oficios, localizamos as sete portas da antiga muralla e puidemos descubrir o moito que medrou a nosa cidade!







martes, 12 de febreiro de 2019

ROSCO PASAPALABRA

Por fin rematamos por completo o produto final do proxecto do primeiro trimestre sobre o corpo humano, un rosco de pasapalabra!! Foron semanas de preparación: primeiro pensamos as posibles preguntas coas súas correspondentes respostas, despois estivemos varios días grabando. Un traballo laborioso pero que nos encantou porque puidemos demostrar moitas cousas que aprendimos sobre o noso corpo.

Aquí tendes o resultado, esperamos que vos guste.

https://www.youtube.com/watch?v=iroHmtA5zKY