Estes días reflexionamos sobre os alimentos que tomamos habitualmente, especialmente, analizando a cantiade de azucre que conteñen.
Fixemos unha medición e calculamos a cantidade de azucre que tiña cada un deles. O obxectivo de todo esto é que sexan conscientes do azucre que teñen algúns dos alimentos que consumimos a diario e que debemos moderar o seu consumo.
Deixámosvos algunhas fotos do "experimento" realizado.
Hoxe tivemos unha pequena saída para visitar o Parque de Bonaval, dentro da actividade promovida polo Centro de Información dos Parques e Xardíns, "Da árbore ao bosque".
Da man de Irene, coñecimos especies autóctonas da nosa contorna, como diferencialas e aprender a observalas con detalle. Dentro da carballeira observamos os carballos de cerca e poidemos ver cantos anos teñen observando os aneis do tronco.
Unha actividade moi interesante e relacionada co noso último proxecto deste curso "Enraizados".
Deixámosvos fotos desta saída.
 |
| Fai clic na imaxe para ver máis. |
O noso proxecto continúa e esta semana por fin plantamos algunhas cousiñas no noso horto.
Grazas á axuda de Javi e Andrés poidemos poñer a punto os maceteiros e sementar todo para que medre bonitiño.
Deixámosvos algunhas fotos da plantación. Fixémolo moi ben!
Hoxe na clase aprendemos que as plantas para poder crecer necesitan da luz do sol.
Por esta razón, sementamos unhas lentellas en algodón e as metemos dentro dunha caixa cun buratiño. Cando a planta crezca debería saír polo buratiño porque precisan da luz do sol para crecer e sempre a buscan.
Empezamos por escribir nunha rutina de pensamento o que pensabamos que pasaría, e cando o experimento finalice completaremos o que realmente pasou.
Deixámosvos algunhas fotos da tarde de hoxe.
.jpg)
.jpg)
Esta semana traballamos moito dentro do proxecto, co fin de obter froitos moi pronto; e non o decimos por decir, é que esta semana fixemos un pequeno sementeiro dentro da clase.
Cada un de nós sementou diferentes tipos de plantas en tarriños pequenos,e cando empecen a crecer, o obxectivo final é facer un horto no cole, e aprender a coidalo.
Deixámosvos fotiños do proceso, xa que fixeron todo os nenos e nenas, e quedounos un sementeiro ben bonito!
Na tarefa 1 do proxecto aprendemos as partes que forman as plantas.
Trátase dun contido básico, necesario para todas as actividades prácticas que faremos ao longo das próximas semanas.
