ESTE SON EU!

E por fin chegou o día!...

Hoxe pola mañá o colexio apareceu un pouco cambiado... a cada paso que dabamos aparecían cousas que o venres cando o deixamos non estaban... 

As caras de asombro e as preguntas mesturábanse coas risas e a emoción de averiguar que estaba acontecendo... 

Algúns xa sospeitaban algo... outros non sabían o por que desa decoración nova... e durante un bo anaco todos exploramos e investigamos para intentar entender algo...

Pouco a pouco... e despois de ter un tempo para probar, tocar, ler e falar entre todos empezamos a entender un pouco máis que estaba a acontecer...

Deste xeito, reflexionamos un anaco e entre todos comezamos a falar sobre as que cousas que había no corredor, o significado das mesmas, por que estaban ali, quen as puxera... e chegamos á conclusión de que algo especial estaba a acontecer...

UN NOVO PROXECTO COMEZABA!

Os maiores intentaron explicar aos máis pequenos que era iso dos proxectos... e pouco a pouco todos tiñamos máis ganas de empezar...

Deste xeito, comezamos o noso proxecto deste trimestre con moitas ganas e ilusión. Estamos preparados para empezar a aventura e adentrarnos na investigación que nos toca facer!

E vós? Estades preparados?

Título do proxecto

Fíos condutores do proxecto. 

                      

                      

COMEZAMOS A AVENTURA!!!!

https://www.youtube.com/watch?v=_73MdGfHCZQ&t=2s

Aprendizaxe Cooperativa

Rematamos a semana iniciándonos na aprendizaxe cooperativa, un dos nosos pilares metodolóxicos; aínda que xa levababamos algúns días sentados en grupo, isto non significa traballar de forma cooperativa, e así intentamos explicarllo aos nosos peques. 

Por esta razón, comezamos reflexionando sobre o que significa formar un equipo e a importancia que teñen cada un dos membros dentro del. 

Para isto realizamos unha actividade na que reflexionamos sobre as cousas que cada un, como membro dun grupo, pode aportar aos demais; escribimos algo que se nos daba ben, algo que nos costaba un pouquiño e algo no que podiamos axudar aos demais. 

E despois, reflexionamos como equipo e acordamos tres cousas que nos comprometíamos a cumplir ou levar a cabo. 

E despois de moito reflexionar chegou a parte que máis nos gustou a todos... 😀

Dentro da aprendizaxe cooperativa, cada membro do equipo desempeña un rol diferente, que dependendo das idades ten máis ou menos responsabilidades. 

Nós, que estamos en primeiro temos unhas responsabilidades adaptadas ao noso nivel e desde o venres, cada un de nós desempeña un rol especial dentro do seu equipo.

Os roles que temos son o de COORDINADOR, SECRETARIO, PORTAVOZ e SUPERVISOR, e debemos desempeñalos ao longo de todo o trimestre. Deste xeito, intentaremos que todos os nenos pasen por todos os roles ao longo do ano, na medida do posible e sempre tendo en conta a organización dos novos equipos de forma trimestral. 

O noso recuncho de aprendizaxe cooperativa dentro da aula. 

E despois de explicar cada un dos roles, por fin conseguimos saber que nos tocaba a cada un. 

De momento, todos se comprometeron a desempeñar o seu rol de forma responsable e así o están a facer. 

Seguirémosvos informando de como avanza isto do cooperativo...

O noso cole - Ciencias Sociais

Pouco a pouco imos collendo ritmo, e en Ciencias Sociais estamos a traballar o noso contorno máis próximo. 

Falamos da nosa aula, dos nosos mestres, das persoas que traballan no colexio, dos espazos que o compoñen... 

Nas últimas semanas reflexionamos sobre todo isto e hoxe debuxamos o que máis nos gusta do colexio.