Un día no laboratorio!

 Como xa ben sabedes, no noso proxecto estamos a convertirnos en pequenos científicos e científicas. E, como bos científicos/as, estamos facendo diferentes experimentos de cando en vez para ir aprendendo.

Sen embargo, o outro día tivemos a oportunidade de ser científicos e científicas nun laboratorio de verdade! 

Grazas a Don Fernando, mestre dos maiores de secundaria, puidemos ir ao seu laboratorio a facer e a ver diferentes experimentos nos que traballamos a dureza, a resistencia, a conductividade.... e incluso fixemos unha nube dentro dunha botella!

Estamos aprendendo moito e, sobre todo, estámolo a pasar moi ben grazas á ciencia!

Deixámosvos aquí unha serie de fotos e vídeos para que poidades ver o ben que o pasamos!

¿MAGIA? NO, ¡CIENCIA!

 Empezamos un novo proxecto e entre nervios e ilusión percorremos a clase coa nova decoración nada máis chegar ao cole; aínda que tivemos que ter moito coidado ao entrar porque había unha cinta na porta que poñía perigo!

Este trimestre ímonos convertir en científicos para coñecer o mundo e descubrir de que están feitas as cousas. Empezamos coa situación de aprendizaxe na que, primeiro, fixemos uns pequenos experimentos para poñer a proba os nosos sentidos. Algo blandiño e algo áspero, un cheiro agradable e un desagradable, algo cun sabor amargo e algo cun sabor máis doce...

E despois, como colofón, fixemos un experimento no que creamos o noso propio peixe globo! Enchemos un dedo dun guante de plástico con vinagre, pechámolo cunha goma e metímolo dentro dun globo. Despois enchimos ese globo con bicarbonato e o pechamos.

Despois, cun golpe seco, o vinagre do dedo sóltase e, ao reaccionar co bicarbonato, xenerou CO2 que hinchou o noso peixe globo!

Despois acabamos facendo a rutina de pensamento CSI, na que expresamos todas as ideas que sacamos sobre o que fixemos durante o día.

E, para rematar, acabamos ca metacognición inicial, na que reflexionamos sobre o que cremos que pasará neste novo proxecto respondendo ás preguntas que se nos fan.

En resumo, foi unha mañá moi intensa e de moitas emocións, que nos preparou para un proxecto cheo de aventuras. Estades preparados/as para acompañarnos?

CIENTÍFICOS EN PRÁCTICAS

O proxecto chega ao seu fin e nesta última tarefa estamos facendo experimentos e tratando de explicar conceptos básicos que explican o mundo que nos rodea. 

Aprendemos a romper a tensión superficial da auga, a comprobar a densidade de diferentes líquidos e coñecemos o que é a cohesión da auga. 

Deixámosvos algunhas fotos por aquí. 

OS IMÁNS

Hoxe empezamos a tarefa 3 do noso proxecto, na que traballaremos sobre o magnetismo e os imáns. 

Por esta razón, hoxe, na primeira sesión fixemos unha rutina de pensamento para iniciar o traballo, que se chama VEO, PENSO, PREGÚNTOME, e despois xogamos cos imáns e investigamos con eles, para aprender que por un lado se atraen e por outro se repelen

EXPERIMENTANDO

Continuamos coa tarefa 2 do proxecto, comprobando como hai matariais que son transparentes e outros opacos. 

Ademais, poidemos ver como uns conducen a electricidade e outros non, a través dun circuito eléctrico. 

Deixámosvos fotos para que vexades canto traballamos na clase!

A MATERIA

Traballando xa de cheo no noso segundo proxecto, durante a tarefa 2 centrámonos en coñecer as propiedades da materia. 

Aplicando o método científico, coñecemos que a materia pode ser dura ou blanda, aínda que algúns fluídos poden ser ámbalas dúas cousas, como os fluidos non Newtonianos. 

Tamén aprendemos que hai materiais resistentes e outros que non o son, e para iso tiramos un ovo dentro dunha bolsa chea de auga con sal. 

Finalmente, aprendemos que a materia pode ser permeable ou impermeable, e nós, convertemos un pano en impermeable pasando unha cera por el. 

LÍQUIDOS NEWTONIANOS

Un dos experimentos que realizamos no noso proxecto "Clube dos científicos" foi descubrir que un líquido pode ser duro e brando á vez!!!!!

Os experimentos sempre os realizamos seguindo os pasos do método científico, 6 pasos que inclúen observar o nosos entorno, facernos unha pregunta, realizar unha hipótese, experimentar e analizar os resultados.

A profesora, ao realizar o experimento, mesturou auga e maicena ata crear unha "pasta" que era dura e branda á vez, dependendo da forza que lle poñiamos. Todos puidemos probar e sorprendeunos moito este experimento!!!

AS CORES E A LUZ

Realizamos outro experimento sobre a cor no que aprendimos que a cor branca recolle todas as cores e a cor negra non contén ningunha cor.

Para chegar a este aprendizaxe, fixemos un experimento moi sinxelo, pero á vez moi divertido e sorprendente.

Aproveitando unha tardiña de sol, saímos ao claustro do cole, levando tres globos de cores (amarelo, verde e laranxa), un globo branco, unha lupa e un rotulador negro. A profe colleu un dos globos de cores e dirixiuno cara a luz do sol e achegou a lupa ao globo. Ao pouco tempo, sen nós sabelo, o globo estoupou!!!!!! E o mesmo ocorreo cos outros dos globos de cores. Puidemos observar que dependendo da cor, estoupaban máis rápido ou con máis tempo.

Cando a profe probou co globo branco, vimos que pasaba o rato e non estoupaba, polo que a profe explicounos que o branco é a cor que inclúe todas as cores do espectro. Por iso, ao reflexarse a luz do sol, non sucedía nada. Pero en canto lle dibuxou un circuliño negro e puxo a lupa enriba, foi o globo que máis rápido e en menos tempo estoupou!!!!!! Por a cor negra non cpntén ningunha cor.

CORES QUE CAMBIAN DE COR

Unha das características dos materiais é a súa cor. Reflexionando sobre o que hai ao noso arredor, observamos que estamos rodeados de moitas cores. E preguntámonos se é posible que esas cores cambien e se é así como pode suceder.

Para iso realizamos un experimento no que empregamos varios líquidos de cores (refresco de cola e laranxa, infusión de té, enxuague bucal e lixivia).

Cada líquido estaba dentro dun pequeno frasco, pola metade que completabamos coa lixivia. Esta ao ser oxidante fixo que as cores cambiasen e incluso "desaparecesen".

Para a realización do experimento seguimos os seis pasos do método científico que nos axudan a ver, entender, reflexionar e incluso sorprendernos coas cousas que ocorren ao noso arredor.