venres, 7 de maio de 2021

VISITA ESPECIAL

Hoxe tivemos a gran sorte de recibir na nosa clase a Cecilia Pereira Marimón, Comisaria do Xacobeo 2021 e a súa compañeira Luisa Redondo, que quixeron coñecer de primeira man o proxecto que realizamos no segundo trimestre Campus Stellae. 

Entre moitos nervios e ganas de compartir o noso traballo, pouco a pouco explicámoslles todo o que fixemos ao longo dos tres meses que durou e tamén aproveitamos para preguntarlles polo seu traballo e moitas curiosidades sobre o Camiño de Santiago. 

Con elas pasamos un ratiño agradable e estamos moi agradecidos polo tempo que nos dedicaron e o cariño co que nos trataron. Esperamos velas moi pronto e desexámoslle BO CAMIÑO!











mércores, 5 de maio de 2021

TRABALLANDO NA NOSA HORTA

Onte pola tarde, durante a clase de Lingua Galega, a profe Antía ensinounos a plantar pirixel.

Previamente, falounos de todas as palabras relacionadas coa horta como a terra, auga, sol, fresar... e tras esa explicación inicial comenzamos a remover a terra por grupos, e despois, cada un plantou un trociño pequeno do pirixel. 

Non sabemos se a nosa plantación será moi rica pero desde logo pasámolo súper ben!









martes, 4 de maio de 2021

XOGANDO COS IMÁNS

Esta semana comenzamos a segunda tarefa do noso proxecto, que trata sobre o magnetismo. 

Despois de realizar unha pequena rutina de pensamento, na que analizamos os nosos coñecementos previos sobre os imáns, estivemos xogando con eles, xa que é a mellor forma de descubrir como se atraen e repelen entre eles. 







Finalmente realizamos un experimento no que nun bol de auga puxemos varios imáns e comprobamos como se repelían entre eles, todos á mesma distancia.

Coma sempre, tratamos de aprender experimentando e probando, e pasámolo xenial!

CARACOIS LECTORES

Continuamos coa entrega de diplomas lectores aos súper lectores que pouco a pouco continúan esforzándose por realizar a súa lectura diaria. Noraboa!