Unha paisaxe de aprendizaxe é unha ferramenta de programación que busca a personalización da aprendizaxe, e que a través do asombro, o enigma e o reto busca potenciar a motivación, autonomía e o traballo cooperativo nos máis pequenos.
A secuencia de actividades que se plantexan nas paisaxes de aprendizaxe baséanse na teoría das intelixencias múltiples e na taxonomía de Bloom.
Deste xeito, partimos deste tipo de metodoloxía para desenvolver a primeira unidade didáctica de ciencias sociais que comenzamos a traballar esta semana, e que se centrará nos elementos da nosa sociedade máis cercanos a nós: a familia, a escola e a cidade.
Hoxe na clase tivemos que descifrar un código secreto para descubrir as diferentes partes do noso cole.
Nas próximas clases continuaremos traballando sobre este tema e vos mostraremos máis fotos.
