Este pasado martes, como parte das actividades que fixemos para celebrar as Letras Galegas, tivemos unha visita moi especial!
Veunos a ver ao cole Fernando, membro da coñecida asociación de baile galego Xacarandaina, que nos explicou un pouquiño máis sobre a tradición do baile galego na nosa comunidade. A súa orixe, os diferentes tipos de vestimenta e de bailes...
Despois, incluso nos animamos a aprender algúns pasiños de baile e tamén un par de ritmos para tocar cunha pandeireita ou que poderíamos tocar incluso cun libro!
Moitas grazas Fernando pola túa visita, e por ensinarnos máis cousiñas sobre algo tan importante para a nosa cultura como é o baile!
